Ինդոնեզիայում վթարի է ենթարկվել Boeing 737 ուղևորատար ինքնաթիռը
Ինդոնեզիայի մայրաքաղաք Ջակարտայի օդանավակայանից թռիչքն սկսելուց հետո վթարի է ենթարկվել Lion Air ավիաընկերության Boeing 737 ուղևորատար ինքնաթիռը։ Այս մասին գրում է Ria Novosti-ն՝ հղում կատարելով Reuters գործակալությանը։
Աղբյուրի փոխանցմամբ՝ ինքնաթիռը, որում ըստ նախանական տվյալների եղել է 188 մարդ, կորել է ռադարների տեսադաշտից թռիչքն սկսելուց մոտ 10 րոպե հետո։
Boeing 737-ը Ջակարտայից թռիչք էր իրականացնում ինդոնեզական Պանկալպինանգ քաղաք։
Flightradar-ի տվյալների համաձայն՝ օդանավը ծովն է ընկել Ճավա կղզու արևմտյան ափերի մոտ։ Տեղանքում շրջող քաղաքացիական նավերի խմբերը հայտնել են, որ նկատել են վթարված ինքնաթիռի կտորներ։
Սկսվել են որոնողական և փրկարարական աշխատանքներ։
Lion Air-ն Ինդոնեզիայի խոշորագույն ավիաընկերություններից մեկն է։ Թռիչքներ է իրականացնում Ինդոնեզիայի, Սինգապուրի, Վիետնամի, Սաուդյան Արաբիայի և Մալայզիայի 126 օդանավակայաններից։
Lion Air-ը և վերջինիս դուստր ավիաընկերությունը՝ Wings Air-ը, ընդգրկված են այն ավիափոխադրողների ցանկում, որոնց արգելած է թռիչքներ իրականացնել Եվրոպական Միության օդային տարածքում։