Ընտրական օրենսգրքի բարեփոխումերի փաթեթը կրկին հավանության չարժանացավ Ազգային ժողովում

ՀՀ ազգային ժողովում երկրորդ անգամ գումարված արտահերթ նիստում  Ընտրական օրենսգրքի բարեփոխումների փաթեթը կրկին չստացավ բավարար ձայներ: Այս մասին տեղեկացնում է «Արմենպրես»-ը։

Աղբյուրի փոխանցմամբ՝ բարեփոխումների փաթեթին կողմ է քվեարկել 62 պատգամավոր, դեմ՝ 2 պատգամավոր, ձեռնպահ՝ զրո: Փաթեթի ընդունման համար անհրաժեշտ էր 63 կողմ ձայն: 

«Արմենպրես»-ը հիշեցնում է, որ հոկտեմբերի 29-ին արտահերթ նիստ գումարելու և բարեփոխումների փաթեթը կրկին ԱԺ օրակարգ բերելու համար ստորագրահավաք էին իրականացրել «Ելք» և «Ծառուկյան» խմբակցությունների պատգամավորները: Ստորագրահավաքին միացել էին երկու խմբակցությունների 35 պատգամավորներ:

ԸՕ-ի առաջարկվող բարեփոխումներով ռեյտինգային ընտրակարգից անցում է կատարվում միասնական համամասնական ընտրակարգի, իսկ խոհրդարանի անցողիկ նվազագույն շեմն իջեցվում է մեկ տոկոսով, ինչի արդյունքում ԱԺ կանցնեն նվազագույնը չորս քաղաքական ուժեր։