Իսրայելի ՀՕՊ համակարգերը խոցել են Գազայի հատվածից արձակված հրթիռները
Նոյեմբերի 11-ի գիշերը Գազայի հատվածից պաղեստինցի ծայրահեղականները 17 հրթիռ են արձակել Իսրայելի ուղղությամբ։ Այս մասին տեղեկացնում է The Jerusalem Post-ը՝ հղում կատարելով իսրայելական բանակի մամուլի ծառայությանը։
«05։15-ի դրությամբ արդեն արձանագրվել էր, որ Գազայի հատվածից Իսրայելի ուղղությամբ արձակվել է 17 հրթիռ», - նշել են մամուլի ծառայությունում։ Նշվում է, որ հթրիռներից երեքը խոցվել են հակաօդային պաշտպանության «Երկաթե գմբեթ» կոչվող համակարգով։
Նոյեմբերի 11-ին իսրայելական բանակը հայտնում էր, որ Գազայի հատվածում հրաձգություն է տեղի ունեցել պաղեստինցի ծայրահեղականների հետ։ Հատկանշական է, որ ռազմական գործողությանը մասնակցող ոչ մի զինծառայող չի բռնվել։ Միջադեպի մասին այլ մանրամասներ չեն հաղորդվում։
Պաղեստինյան լրատվամիջոցների հաղորդմամբ՝ երեկ՝ նոյեմբերի 11-ին, Գազայի հատվածում իսրայելական հատուկ ծառայությունների գործողությունների հետևանքով զոհվել է 7 պաղեստինցի, ևս 7-ը ստացել է մարմնական վնասվածքներ։ Նշվում է, որ զոհվածների թվում են ՀԱՄԱՍ խմբավորման զինված թևերից մեկի երկու հրամանատարներ։
Պաղեստինյան անկլավում հերթական անգամ իրավիճակը լարվել է Իսրայելի և Պաղեստինի միջև հրադադար հաստատելու Եգիպտոսի ջանքերի ֆոնին։ Նշվում է, որ Կահիերի միջնորդությամբ կապը երկու կողմերի միջև բավական մեծ հաջողություններ է գրանցել։