Մահմուդ Աբբասը միջազգային հանրությանը կոչ է անում միջամտել Գազայի հատվածում տիրող իրավիճակին
Պաղեստինի նախագահ Մահմուդ Աբբասը միջազգային հանրությանը կոչ է արել անմիջապես միջամտել Գազայի հատվածում տիրող իրավիճակին և կանգնեցնել «Իսրայելի ագրեսիան»։
Այս մասին գրում է TASS-ը՝ հղում կատարելով պաղեստինյան WAFA գործակալությանը։
Աղբյուրի փոխանցմամբ՝ Աբբասը հեռախոսազրույցներ է ունեցել տարածաշրջանի և աշխարհի պետությունների ղեկավարների հետ՝ վերջիններիս կոչ անելով «անմիջապես միջամտել իրավիճակին և կանգնեցնել հակառակորդի ագրեսիան»։
«Անհրաժեշտ է կանխել լարվածությունը և թույլ չտալ, որ իրավիճակը տարածաշրջանում կրկին ապակայունանա», - նշել է Աբբասը։
Իսրայելի բանակի մամուլի ծառայության փոխանցմամբ՝ վերջին ժամերի ընթացքում իսրայելական կործանիչները, ռազմական ուղղաթիռները և տանկերը Գազայի հատվածում խոցել են ՀԱՄԱՍ խմբավորման շուրջ 70 թիրախ։
Ավելի վաղ պաղեստինյան անկլավի տարածքից Իսրայելի ուղղությամբ էր արձակվել 370 հրթիռ, որոնցից 100-ը խոցվել էր «Երկաթե գմբեթ» համակարգերի կողմից։