Իսրայելցի զինվորականները ձերբակալել են 6 պաղեստինցիների

Նոյեմբերի լույս 14-ի գիշերը իսրայելցի զինվորականները ձերբակալել են 6 պաղեստնիցու, որոնք հետախուզվում էին ահաբեկչական գործունեության հետ առնչություն ունենալու կասկածանքով։ Այս մասին տեղեկացնում է Իսրայելի բանակի մամուլի ծառայությունը։

«Գիշերվա ընթացքում բանակային ստորաբաժանումների ոստիկանության և Իսրայելի ընդհանուր անվտանգության ծառայության աշխատակիցների օգնությամբ Արևմտյան ափին ձերբակալել են 6 պաղեստինցիների, որոնք կասկածվում են Իսրայելի ժողովրդի դեմ ահաբեկչական գործունեություն ծավալելու կասկածանքով», - ասվում է մամուլի ծառայության տարածած հայտարարության մեջ։

Նշվում է նաև, որ հարցաքննության համար ձերբակալվածները հանձնվել են հակահետախուզությանը։

Հիշեցնենք, որ նոյեմբերի 12-ից պաղեստինյան զինված խմբավորումները Գազայի հատվածից հրթիռակոծել են Իսրայելի տարածքը՝ ի պատասխան պաղեստինյան անկլավում հրեական պետության հատուկ ջոկատի իրականացրած ռազմական գործողությունների։ Պաղեստինցի ծայրահեղականները շուրջ 400 հրթիռ են արձակել Իսրայելի ուղղությամբ, որոնցից 150-ը խոցվել է «Երկաթե գմբեթ» համակարգի կողմից։

Երկուշաբթի Մլադենովն իր թվիթերյան էջում գրել էր, որ ակտիվորեն համագործակցում են Եգիպտոսի հետ Իսրայելի և պաղեստինյան խմբավորումների միջև Գազայի հատվածում հրադադարի ռեժիմ հաստատելու շուրջ։ Նա վերջին լարվածություններն անվանել էր «չափազանց վտանգավոր և անխոհեմ»։

Իսրայելապաղեստինյան հակամարտությունում իրավիճակը կրկին սրվել է 2015 թ․ սեպտեմբերից։ Այդ ժամանակվանից ի վեր Իսրայելում և Հորդանան գետի արևմտյան ափին հրաձգային զինատեսակներից, պայթուցիկ սարքերից և մեքենաներով հարձակումներից զոհվել է ավելի քան 50 իսրայելցի։