Անկարան 83 երկրից պահանջում է հանձնել ավելի քան 450 գյուլենականների
Անկարան աշխարհի 83 երկրներից պահանջում է հանձնել 452 մարդու, որոնք առնչություն ունեն իսլամական քարոզիչ, ընդդիմադիր Ֆեթուլլահ Գյուլենի կազմակերպության՝ Գյուլենական շարժման հետ։ Այս մասին հայտարարել է Թուրքիայի արտաքին գործերի նախարար Մևլութ Չավուշօղլուն։
«Թուրքիան 83 երկրների ուղարկել է 452 անձանց մասին փաստաթղթեր, որոնք առնչություն ունեն Գյուլենական շարժման հետ։ Մենք պահաջում ենք հանձնել այդ անձանց», - NTV հեռուստաալիքին տված հարցազրույցի ժամանակ հայտարարել է Չավուշօղլուն։
Հիշեցնենք, որ Անկարան 2016 թ․ հուլիսի 15-ին տեղի ունեցած հեղաշրջման փորձի կազմակերպման մեջ մեղադրում է արդի իսլամական գաղափարախոսության հիմնադիր Ֆեթուլլահ Գյուլենին, որը 1999 թվականից բնակվում է ԱՄՆ-ում։
Թուրքիայի նախագահ Ռեջեփ Թայիփ Էրդողանն ԱՄՆ-ի իշխանություններից մի քանի անգամ պահանջել է Գյուլենին ձերբակալել և արտահանձնել Թուրքիային, սակայն մերժում է ստացել։ Ըստ ամերիկյան կողմի՝ Թուրքիայի իշխանությունները չեն տրամադրել հեղաշրջման փորձին Գյուլենի մասնակցության վերաբերյալ բավարար ապացույցներ։
Հեղաշրջման փորձից հետո Թուրքիայում ձերբակալվել է ավելի քան 50 հազար մարդ, աշխատանքից հեռացվել՝ շուրջ 160 հազար պետաշխատող։