Ավստրիան հրաժարվում է դառնալ համաեվրոպական բանակի մասը

Տեղադրվել է 15/11/2018.
© Heinz-Peter Bader / Reuters

Ավստրիան իր չեզոքության պատճառով չի կարող դառնալ Եվրոպական Միության բանակի մաս։ Այս մասին, ինչպես գրում է Kurier թերթը, հայտարարել են երկրի պաշտպանության նախարարությունում։

«Մենք հիմք չունենք այս հարցով գնահատականներ տալու», - ասել է Ավստրիայի պաշտպանության նախարարության պաշտոնական ներկայացուցիչը՝ հավելելով, որ համաեվրոպական բանակ ստեղծելու միտքը հակասում է իրենց երկրի սահմանադրությանը։

Նրա խոսքով՝ եթե համաեվրոպական այդ բանակի հրամանատարը հրաման արձակի, որը կարող է հակազդել Ավստրիայի շահերին, ապա ավստրիացի զինվորները չեն կարող կատարել հրամանը։

Հիշեցնենք, որ նոյեմբերի 6-ին Ֆրանսիայի նախագահ Էմանուել Մակրոնը հայտարարել էր, որ Եվրոպան պետք է ստեղծի միասնական զինված ուժեր ԱՄՆ-ից, Չինաստանից և Ռուսաստանից պաշտպանվելու համար։ Այս հայտարարությունը խիստ քննադատության էր արժանացել ԱՄՆ նածագահ Դոնալդ Թրամփի կողմից, որը կրկին կոչ էր արել եվրոպական երկրների ավելացնել ֆինասնական ներդրումները ՆԱՏՕ-ում։

Համաեվրոպական բանակ ստեղծելու գաղափարը քննադատել է նաև ՆԱՏՕ-ի գլխավոր քարտուղար Յենս Սթոլթենբերգը։ Նրա կարծիքով՝ Եվրոպայի պաշտպանությունը հնարավոր չէ պատկերացնել առանց ԱՄՆ-ի, իսկ եվրոպական միասնությունը «երբեք չի կարող փոխարինել անդրատլանտյանին»։

Որոշիչ բառեր: Ավստրիա, Եվրոպական Միություն, համաեվրոպական բանակ

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.