Սաուդյան Արաբիայի դատախազությունը պահանջում է մահապատժի ենթարկել Ջեմալ Խաշոգջիի սպանության մեղավորներին
Սաուդյան Արաբիայի գլխավոր դատախազությունը պահանջելու է մահապատժի ենթարկել լրագրող Ջեմալ Խաշոգջիի սպանության մեղավորներին։ Այս մասին լրագրողների հետ ճեպազրույցի ժամանակ հայտարարել է գլխավոր դատախազության պաշտոնական ներկայացուցիչը․ տեղեկացնում է Sky News Arabia-ն։
«Մենք մահապատիժ ենք պահանջելու մեղադրյալներից հինգի՝ սպանության հրամանը տվողների և սպանությունը կատարողների համար։ Խաշոգջիի սպանության գործով մեղադրանք է առաջադրվել 11 մարդու նկատմամբ։ Հետաքննության շրջանակներում ձերբակավել է 21 մարդ», - ասել է դատախազության ներկայացուցիչը։
Դատախազությունը հաստատել է, որ լրագրողն սպանվել է Ստամբուլի գլխավոր հյուպատոսարանի շենքում, որից հետո նրա մարմինը մասնատվել և դուրս է հանվել դիվանագիտական ներկայացուցչության շենքից։
«Խաշոգջիի սպանության հարամանը տվել է Թուրքիա ժամանած խմբի ղեկավարը։ Նրանց առաջադրանքը եղել է լրագրողին համոզելը և Սաուդյան Արաբիա տանելը։ Այս խումբ ստեղծվել է հետախուզական ծառայության նախկին ղեկավարի նախաձեռնությամբ», - պատմել է դատախազության ներկայացուցիչը՝ հավելելով, որ սպանության հրամանը տրվել է այն ժամանակ, երբ արդեն պարզ էր, որ Խաշոգջիին համոզել հնարավոր չէ։