Սիրիայում ԱՄՆ-ի գլխավորած միջազգային կոալիցիայի ավիահարվածների հետևանքով խաղաղ բնակիչներ են զոհվել
Սիրիայում ԱՄՆ-ի գլխավորած միջազգային կոալիցիայի ավիահարվածների հետևանքով կրկին խաղաղ բնակիչներ են զոհվել։ Այս մասին տեղեկացնում սիրիական ՍԱՆԱ գործակալությունը։
Աղբյուրի փոխանցմամբ՝ Դեր Զոր նահանգի Բու Բադրան քաղաքում տեղի ունեցած օդային հարվածների հետևանքով զոհվել է 17 մարդ։ Հարձակման մասին այլ մանրամասներ չեն հաղորդվում։
Նոյեմբերի 14-ին ԱՄՆ-ի գլխավորած միջազգային կոալիցիան կրկին հարվածներ էր հասցրել Դեր Զոր նահանգին։ Զոհվել էր մի քանի մարդ, վիրավորվել՝ 60-ը։
ՌԴ պաշտպանության նախարարությունը հայտարարել է, որ ԱՄՆ-ի կոալիցիան Եփրատ գետի արևելյան ափին հարձակումների ընթացքում կիրառում է միջազգային կոնվենցիաներով արգելված զինատեսակներ։
Սիրիայում 2011 թվականից ընթանում է ռազմական հակամարտություն նախագահ Բաշար Ասադի կողմնակիցների և ընդդիմադիրների միջև, որոնք ձգտում են իշխանությունից հեռացնել Ասադին։ Ռազմական հակամարտությունը վերաճել է քաղաքացիական պատերազմի, որի ընթացքում առաջացել են մի շարք ահաբեկչական խմբավորումներ, որոնցից խոշորագույնը Իսլամական պետությունն է։
ԱՄՆ-ի գլխավորած միջազգային կոալիցիան 2014 թվականից սկսած ավիահարվածներ է հասցնում ահաբեկչական խմբավորումների դիրքերին։ Հատկանշական է, որ կոալիցիան Սիրիայի տարածքում գործում է առանց այս երկրի իշխանությունների թույլտվության։
2015 թ․ Դամասկոսի խնդրանքով հակամարտությանը ներգրավվել է նաև Ռուսաստանը, որն աջակցում է կառավարական ուժերին՝ հարվածներ հասցնելով զինյալների դիրքերին։