Հնդկաստանը ցանկանում է ձեռք բերել ռուսական «Իգլա Ս» համակարգեր
Հնդկաստանը պատրաստվում է Ռուսաստանից ձեռք բերել «Իգլա Ս» դյուրակիր զենիթահրթիռային համակարգ։ Այս մասին գրում է TASS-ը՝ հղում կատարելով The Economic Times-ին։
Աղբյուրի փոխանցմամբ՝ պայմանագրի արժեքը կկազմի մոտ 1,5 միլիարդ դոլար։ Անցկացված մրցույթի ընթացքում ռուսական համակարգերը շրջանցել են շվեդական RBS 70 NG և ֆրանսիական Mistral համակարգերին։
The Financial Express թերթի փոխանցմամբ՝ պայմանագրի արժեքը կարող է հասնել 3 միլիարդ դոլարի։
Հնդկական լրատվամիջոցները հայտնում են, որ նոր համակարգերը փոխարինելու են Հնդկաստանի բանակում առկա «Իգլա Մ» համակարգին։
«Իգլա Ս» համակարգը կարող է խոցել ինքնաթիռներ, ուղղաթիռներ և անօդաչու թռչող սարքեր։