Սիրիայում ԱՄՆ-ի գլխավորած միջազգային կոալիցիայի ավիահարվածի հետևանքով զոհվել է 17 խաղաղ բնակիչ

ԱՄՆ-ի գլխավորած միջազգային կոալիցիայի ավիահարվածների հետևանքով ավելի քան 17 մարդ է զոհվել Սիրիական Դեր Զոր նահանգում։ Այս մասին տեղեկացնում սիրիական ՍԱՆԱ գործակալությունը։

Աղբյուրի փոխանցմամբ՝ ավիահարվածների հետևանքով տուժածների մեծ մասը կանայք և երեխաներ են։ Օդային հարձակման հետևանքով պատճառվել է նաև նյութական խոշոր վնաս։

Բնակավայրը, որտեղ տեղի է ունեցել դեպքը, գտնվում է Հաջին քաղաքից հարավ-արևելք։ Վերջինը երկար ժամանակ Իսլամական պետության համար ծառայել է որպես հենակետ։ Երկու օր առաջ արաբաքրդական «Սիրիայի ժողովրդավարական ուժեր» զորամիավորումը արևմտյան կոալիցիայի օժանդակությամբ իր վերահսկողությունը հաստատեց այս բնակավայրի նկատմամբ։

Դեկտեմբեր 7-ին այս բանակվայրում տեղի էր ունեցել ևս մեկ օդային հարձակում, ինչի հետևանքով զոհվել էր մեկ ընտանքի 7 անդամ։

Սիրիայում մարդու իրավունքների պաշտպանության կենտրոնի տվյաներով՝ միայն նոյեմբեր ամսին այս բնակավայրում տեղի ունեցած ավիահարվածների հետևանքով զոհվել է 196 մարդ, որոնցից 70-ը՝ երեխա։