Իսլամական պետությունն ստանձնել է Լիբիայի ԱԳՆ շենքի վրա կատարված հարձակման պատասխանատվությունը

«Իսլամական պետություն» ահաբեկչական խմբավորումն ստանձնել է Տրիպոլիում Լիբիայի արտաքին գործերի նախարարության շենքի վրա կատարված հարձակման պատասխանատվությունը։

Այս մասին տեղեկացնում է Reuters գործակալությունը՝ հղում կատարելով սեփական աղբյուրներին։

Հիշեցնենք, որ դեկտեմբերի 25-ին Լիբիայի ԱԳՆ շենքում տեղի ունեցած պայթյունների և դրան հաջորդած կրակահերթի հետևանքով զոհվել էր 3 մարդ, ավելի քան երկու տասնյակը ստացել էին մարմնական վնասվածքներ։

Զոհվածների թվում են ԱԳՆ-ի Իսլամական համագործակցության վարչության ղեկավարը, Տրիպոլիի պաշտպանության ուժերի ստորաբաժանման պաշտոնական ներկայացուցիչը և մի բժիշկ։