Կիմ Չեն Ընը Չինաստանի նախագահին հրավիրել է Փհենյան
ԿԺԴՀ առաջնորդ Կիմ Չեն Ընը Պեկին կատարած կատարած այցի ժամանակ Փհենյան է հրավիրել Չինաստանի նախագահ Սի Ցզինպինին։ Այս մասին գրում է ՏԱՍՍ-ը՝ հղում կատարելով Կորեայի կենտրոնական հեռուստատեսությանը։
Նշվում է, որ ՉԻնաստանի առաջնորդը հաճույքով ընդունել է հրավերը և հայտնել, որ «անպայման պատրաստվում է այցելել ԿԺԴՀ»։
Հունվարի 7-ից 10-ը ԿԻմ Չեն Ընը գտնվում է Չինաստանում։ Երկու երկրների ղեկավարների միջև բանակցությունները տեղի են ունեցել հունվարի 8-ի երեկոյան։
Հատկանշական է, որ Չինաստան կատարած այցի ընթացքում Կիմ Չեն Ընին ուղեկցել է նաև իր խորհրդականներից Կիմ Յոն Չհոլը, որը բանակցություններ է վարում ԱՄՆ-ի հետ։
ԿԺԴՀ առաջնորդի՝ Չինաստան այցելության մասին լուրերը հաստատվեցին այն բանից հետո, երբ հարավկորեական լրատվամիջոցները հաղորդեցին, որ հյուսիսկորեացի բարձրաստիճան պաշտոնյաներ տեղափոխող գնացքը հունվարի 7-ին հատել է Չինաստանի սահմանը։
Հունվարի 3-ին Չինաստանի արտաքին գործերի նախարարության պաշտոնական ներկայացուցիչ Լու Հանը հայտարարել էր, որ ԿԺԴՀ-ի և Չինաստանի միջև բարձր մակարդակի բանակցությունները կարող են դրական ազդեցություն ունենալ համաշխարհային խաղաղության և կայունության վրա։