Վլադիմիր Պուտինը շնորհավորել է Նիկոլ Փաշինյանին վարչապետ նշանակվելու կապակցությամբ

Տեղադրվել է 17/01/2019.
© РИА Новости / Сергей Гунеев

ՌԴ նախագահ Վլադիմիր Պուտինը հեռագիր է ուղարկել Նիկոլ Փաշինյանին՝ շնորհավորելով վերջինիս ՀՀ վարչապետի պատոնում նշանակվելու կապակցությամբ։ Պուտինը հույս է հայտնել, որ Ռուսաստանի և Հայաստանի միջև շարունակական երկխոսությունը կնպաստի դաշնակցային փոխգործակցության ամրապնդմանը։ Այս մասին տեղեկացնում է Կրեմլի մամուլի ծառայությունը։

«Նախագահ Պուտինը հեռագիր է ուղարկել Նիկոլ Փաշինյանին՝ շնորհավորելով ՀՀ վարչապետի պաշտոնին նշանակվելու կապակցությամբ», - ասվում է Կրեմլի մամուլի ծառայության հաղորդագրության մեջ։

Պուտինը հույս է հայտնել նաև, որ կողմերի միջև երկխոսությունը և կառուցողական համատեղ աշխատանքը կնպաստի հայ-ռուսական դաշնակցային հարաբերությունների ամրապնդմանը։

Հիշեցնենք, որ հունվարի 14-ին՝ 7-րդ գումարման Ազգային ժողովի անդրանիկ նիստի օրը, ՀՀ նախագահ Արմեն Սարգսյանը հրամանագիր էր ստորագրել Նիկոլ Փաշինյանին ՀՀ վարչապետ նշանակելու մասին։

Որոշիչ բառեր: Վլադիմիր Պուտին, Նիկոլ Փաշինյան

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.