Մակեդոնիան պաշտոնապես վերանվանվեց Հյուսիսային Մակեդոնիա

Մակեդոնիայի Հանրապետությունը պաշտոնապես վերանվանվել է Հյուսիսային Մակեդոնիա։ Այս մասին իր թվիթերյան էջում հայտարարել է նախկին հարավսլավական հանրապետության արտաքին գործերի նախարար Նիկոլա Դիմիտրովը։

Նրա խոսքով Հունաստանը և Մակեդոնիան վերջնական բանավոր համաձայնության են եկել վերանվանման գործընթացն սկսելու վերաբերյալ։

«Մենք չենք կարող փոխել մեր անցյալը, սակայն կարող ենք և պետք է որոշակիացնենք մեր ապագան բարեկամության և համագործակցության մթնոլորտում», - հայտարարել է Դիմիտրովը։

Հիշեցնենք, որ ՆԱՏՕ-ի անդամ 29 պետությունները և Մակեդոնիան Բրյուսելում՝ Հյուսիսատլանտյան դաշինքի կենտրոնակայանում, կազմակերպության գլխավոր քարտուղար Յենս Սթոլթենբերգի և Մակեդոնիայի արտաքին գործերի նախարար Նիկոլա Դիմիտրովի ներկայությամբ ստորագրել են արձանագրություն Մակեդոնիայի՝ ՆԱՏՕ-ի անդամ դառնալու մասին։

Այժմ նշված արձանագրությունը պետք է վեվարեցնեն Դաշինքի անդամ բոլոր պետությունները, որից հետո փաստաթուղթը կարող է վավերացնել նաև Մակեդոնիան։

Ակնկալվում է, որ այս գործընթացները կավարտվեն ընթացիկ տարվա վերջին, և Մակեդոնիան արդեն պաշտոնապես կդառնա ՆԱՏՕ-ի 30-րդ անդամը դեկտեմբերին Լոնդոնում կայանալիք գագաթնաժողովի ժամանակ, որտեղ Դաշինքը կնշի իր հիմնադրման 70-ամյակը։

ՆԱՏՕ-ին անդամակնցելու համար Մակեդոնիայի իշխանությունները ստիպված եղան փոխել երկրի անվանումը։