UNESCO-ն արևմտահայերենը համարում է Թուրքիայում վերացման վտանգի տակ գտնվող լեզու․ Ermenihaber

Տեղադրվել է 22/02/2019.
© ermenihaber/unesco

ՄԱԿ-ի՝ կրթության, մշակույթի և գիտության ոլորտներում մասնագիտացած կազմակերպությունը՝ UNESCO-ն, արևմտահայերենը համարում է Թուրքիայի տարածքում վերացման վտանգի տակ հայտնված լեզուներից մեկը։ Այս մասին տեղեկացնում է Ermenihaber-ը։

Աշխարհում վերացման վտանգի տակ հայտնված լեզուների ցանկը կազմած խմբագիր Քրիս Մոլզին, պատասխանելով BBC-ի հարցմանը, ասել է, որ Թուրքիայի տարածքում կա վերացած կամ վերացման վտանգի տակ հայտնված 18 լեզու։

Նրա խոսքով՝ դրանցից 3-ը՝ ուբիխերենը, Մլահսո (արևելյան ասորերեն) և Կապադովկիայի հունարենն ամբողջովին վերացել են, իսկ հերթևիներենը (արամեական լեզու) վերացման եզրին է: Խիստ վտանգված լեզուներն են լադինոն ու գագաուզերենը:

Արևմտահայերենը, ռումիներենը, համշեներենը, լազերենը, Պոնտոսի հունարենը, աբխազերենը, սուրեթը դասակարգվել են որպես վերացման վտանգի տակ գտնվող լեզուներ:

Ermenihaber-ը գրում է, որ լեզվական առումով ամենաբազմազանը Պապուա նոր Գվինեան է: 8 միլիոնից քիչ ավել բնակչություն ունեցող այս երկրում խոսվում է ավելի քան 800 լեզվով: Լեզվական բազմազանությամբ ընդհանրապես աչքի չընկնող երկիրը Հյուսիսային Կորեան է, որտեղ խոսվում է ընդամենը 1 լեզվով:

Որոշիչ բառեր: UNESCO, արևմտահայերեն, Թուրքիա

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.