Թուրքիայում մեկնարկել են պատմության մեջ ամենախոշոր ծովային զորավարժությունները
Թուրքիայի ռազմածովային ուժերը սկսել են պատմության մեջ խոշորագույն ծովային զորավարժությունները, որն ստացել է «Mavi Vatan» (կապույտ հայրենիք, - խմբ․) անվանումը։ Այս մասին տեղեկացնում է թուրքական Yeni Şafak թերթը։
Աղբյուրի փոխանցմամբ՝ զորավարժությունները տեղի են ունենալու միանգամից երեք ծովերի ջրերում՝ Սև, Էգեյան և Միջերկրական։
Նշվում է, որ զորավարժություններին մասնակցելու է Թուրքիայի ռազմածովային ուժերի 103 ռազմանավ։
Ինչպես տեղեկացնում է Aydınlık թերթը, զորավարժություններն անցկացվելու են փետրվարի 27-ից մինչև մարտի 8-ը։
Հիշեցնենք, որ ավելի վաղ թուրքական ռազմածովային ուժերի TCG Faith հածանավը Սև ծովում զորավարժություններ էր անցկացրել ամերիկյան USS Donald Cook հրթիռակիր նավի հետ, որը նախօրեին մտել էր Օդեսայի ծովային առևտրի նավահանգիստ։