Եվրոպական խորհրդարանը Ռուսաստանին մեղադրում է Brexit-ին աջակցելու և ժողովրդավարական գործընթացներին միջամտելու մեջ

Եվրոպական խորհրդարանի՝ Ռուսաստանի վերաբերյալ եզրափակիչ բանաձևում, որը պատգամավորներն ընդունելու են մարտի 11-12-ին, Մոսկվային են վերագրվում Մեծ Բրիտանիայի՝ Եվրոպական Միության կազմից դուրս գալու (Brexit-ին աջակցելու) մասին արշավ սկսելու, Եվրոպայում ժողովրդավարական գործընթացներին միջամտելու և եվրոպական ծայրահեղական կուսակցությունների հետ կապեր ունենալու մասին մեղադրանքներ։

Բացի այդ, փաստաթղթում կոչ է արվում նաև պահպանել Ռուսաստանի նկատմամբ պատժամիջոցները, քանի դեռ վերջինս չի վերականգնել «Ուկրաինայի տարածքային ամբողջականությունը»։

Եվրոպական խորհրդարանի բանաձևերն ունեն խորհրդատվական բնույթ և ենթական չեն պարտադիր կատարման։

Հատկանշական է, որ այդ փաստաթղթում որևէ կոնկրետ փաստ չի բերվում եվրոպական ժողովրդավարական գործընթացներին ռուսական միջամտության մասին։

Եվրոպական խորհրդարանը կոչ է անում նաև ակտիվացնել կապերը Ռուսաստանի հասարակական կազմակերպությունների, բլոգերների և հետաքննությամբ զբաղվող լրագրողների հետ։ Փաստաթղթի հեղինակներից մեկի խոսքով՝ անհրաժեշտ է այնպես անել, որ «այս քայլերը չդիտարկվեն որպես միջամտություն Ռուսաստանի ներքին գործերին»։

Ռուսաստանին ուղղված մի շարք մեղադրանքների հետ մեկտեղ ընդգծվում է Մոսկվայի հետ առևտրի ոլորտում համագործակցության կարևորությունը։