Հայտնի են դարձել Եթովպիայում տեղի ունեցած ավիավթարի մասնրամասները

Եթովպիայում կործանված Boeing-737 ինքնաթիռի օդաչուն հայտնել է առաջացած խնդրի մասին և թույլտվություն խնդրել օդանավակայան վերադառնալու համար։ Այս մասին հայտարարել է Ethiopian Airlines ընկերության ղեկավար Թևոլդե Գեմբրեմարիամը։

«Ավիադիսպետչերի հետ խոսակցության ձայնագրության մեջ լսում ենք, թե ինչպես է օդաչուն տեղեկացնում ծագած խնդրի մասին և հայտնում, որ ցանկանում է վերադառնալ։ Նրան թույլատրում են», - պատմել է ավիաընկերության ղեկավարը։

Ավելի ուշ ընկերությունն իր թվիթերյան էջում հայտնել էր, որ պատրաստվում են Boeing ընկերության հետ համատեղ հետաքննություն սկսել։

Հիշեցնենք, որ երեկ՝ մարտի 10-ին, Boeing 737-800 MAX ուղևորատար ինքնաթիռը, որը մեկնում էր Նայրոբի, կորցրել է կապը տեղի ժամանակով 08:44-ին։ Ավելի ուշ հայտնի է դարձել, որ 149 ուղևոր տեղափոխող ինքնաթիռը վթարի է ենթարկվել եթովպական Դեբրե Զեյթ քաղաքի մոտակայքում։

Reuters լրատվական գործակալության փոխանցմամբ՝ ավիավթարից փրկվածներ չկան։ Զոհվել են ինքնաթիռում եղած բոլոր 149 ուևորները, ինչպես նաև անձնակազմի 8 անդամները։