Թուրքիան ակնկալում է, որ ամերիկյան F-35 կործանիչները կմատակարարվեն մինչև նոյեմբեր

Թուրքիան ակնկալում է, որ մինչև այս տարվա նոյեմբեր կմատակարարվեն ամերիկյան հինգերորդ սերնդի F-35 կործանիչները։ Այս մասին հայտարարել է Թուրքիայի պաշտպանության նախարար Հուլուսի Աքարը։

«Մենք ակնկալում ենք F-35 կործանիչների մատակարարումը մինչև նոյեմբեր, և այժմ կատարվում են դրանց համար ենթակառուցվածքների նախապատրաստման աշխատանքներ», - նախարարի խոսքերը մեջբերել է թուրքական Anadolu գործակալությունը։

Նա հավելել է նաև, որ թուրք օդաչուները և տեխնիկական մասնագետները շարունակում են դասընթացներ անցնել Միացյալ Նահանգներում։ Աքարի խոսքով՝ ամերիկյան կործանիչները տեղակայվելու են Մալաթիայի ավիաբազայում։

Հատկանշական է, որ մարտի 5-ին ՆԱՏՕ-ի՝ Եվրոպայում միացյալ զինված ուժերի հրամանատար, ամերիկացի գեներալ Քերթիս Սկապարոտին հայտարարել էր, որ պետք չէ Թուրքիային մատակարարել այդ կործանիչները, եթե Անկարան որոշի ձեռք բերել ռուսական Ս-400 զենիթահրթիռային համակարգը։

ԱՄՆ-ը և ՆԱՏՕ-ն բազմիցս քննադատել են Թուրքիային Մոսկվայի հետ համաձայնագիր կնքելու համար։ ԱՄՆ պետքատուղարի օգնականը հայտարարել է, որ Ս-400-ի ձեռքբերումը կարող է բացասականորեն ազդել ամերիկյան կործանիչների մատակարարման վրա։ Թուրքիայի արտաքին գործերի նախարարությունն, իր հերթին, հայտարարեց, որ Անարան միջոցներ կձեռնարկի Վաշինգտոնի դեմ, եթե վերջինս փորձի խոչընդոտել կործանիչների մատակարարմանը։

We use cookies to ensure that we give you the best experience on our website. You may delete and block all cookies from us, but certain parts of the site may not work properly.