Սերբիան չի ցանկանում դառնալ ՆԱՏՕ-ի անդամ․ Վուչիչ

Տեղադրվել է 25/03/2019.
© EPA-EFE/DJORDJE SAVIC

Սերբիան չի ցանկանում անդամակցել Հյուսիսատլանտյան Դաշինքին՝ նախընտրելով պահպանել ռազմական չեզոքությունը։ Այս մասին 1999 թ․ Հարավսլավիայում տեղի ունեցած դեպքերին նվիրված միջոցառմանը հայտարարել է Սերբիայի նախագահ Ալեքսանդր Վուչիչը։

«Սերբիայի ժողովուրդը չի ցանկանում անդամակցել ՆԱՏՕ-ին։ Ռազմական չեզոքությունը մեր միակ ընտրությունն է», - հայտարարել է Սերբիայի նախագահը։

Սերբիայի արտաքին քաղաքականությունն ուղղված է Ռուսաստանի և Չինաստանի հետ հարաբերությունները խորացնելուն, ինչպես նաև ԱՄՆ-ի և Եվրոպական Միության հետ կապերի ամրապնդմանը։ Բելգրադի համար շատ կարևոր է ռազմական չեզոքություն պահպանելը և ՆԱՏՕ-ի կամ այլ ռազմական դաշինքի անդամ չդառնալը։

Այս դիրքորոշումը մեծ դժգոհություն է առաջացնում Արևմուտքում։ Սերբիային բազմիցս հասկացրել են, որ Եվրաինտեգրման համար անհրաժեշտ է կատարել երկու նախապայման․ ճանաչել Կոսովոյի անկախությունը և հրաժարվել Ռուսաստանի Դաշնության հետ բարեկամական հարաբերություններից։

Որոշիչ բառեր: Սերբիա, ՆԱՏՕ, Կոսովո, Հարավսլավիա, Ալեքսանդր Վուչիչ

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.