Նիկոլ Փաշինյանը կմեկնի Վիեննա

ՀՀ վարչապետ Նիկոլ Փաշինյանի գլխավորած պատվիրակությունը մարտի 28-29-ը կմեկնի Ավստրիայի մայրաքաղաք Վիեննա: Այս մասին տեղեկացնում է Արմենպրես-ը՝ հղում կատարելով e-gov.am հարթակին։

«Ռուսական լրատվամիջոցները հայտնել էին Ավստրիայի նախագահ Ալեքսանդր վան դեր Բելլենի հետ Փաշինյանի հանդիպման մասին: Տարբեր լրատվամիջոցներ վերջին օրերին նշում են նաև ՀՀ վարչապետի և Ադրբեջանի նախագահ Իլհամ Ալիևի հնարավոր հանդիպման մասին», - գրում է Արմենպրես-ը։

Վարչապետի մամուլի խոսնակ Վլադիմիր Կարապետյանն ավելի վաղ հայտարարել էր, որ Ադրբեջանի նախագահի հետ հնարավոր հանդիպման մասին կլինի համաձայնեցված հայտարարություն։

Հիշեցնենք, որ մինչև այս Հայաստանի և Ադրբեջանի ղեկավարները հանդիպել էին երեք անգամ՝ Դուշանբեում, Սանկտ Պետերբուրգում և Դավոսում։

We use cookies to ensure that we give you the best experience on our website. You may delete and block all cookies from us, but certain parts of the site may not work properly.